ازاى تكتب Cover Letter مميز وتعرض مؤهلاتك بشكل مقنع؟

ال Cover Letter بالنسبة لناس كتير مشكلة كبيرة ومش عارفين ممكن يتكتب ازاى او ممكن نكتب فيه ايه عشان نعرض نفسنا كأحسن حد للوظيفة,

عشان تسوق لنفسك كويس فى ال Cover Letter حاول تفكر فيه بشكل مختلف لان فيه ناس كتير بتقدم معاك على نفس الوظيفة وممكن يكون فيهم ناس احسن منك كمان,

فكر فى ال Cover Letter على انه مش بس كلمتين حلوين عنك والكلام ده ولكن حول ال Cover Letter بتاعك ل Pain Letter.......

يعنى خطاب بتعرض فيه نفسك على انك انت حل لمشكلة الشركة او الوظيفة اللى انت مقدم عليها وده ممكن تعمله عن طريق الاتى :

- اعمل بحث كويس عن الشركة اللى انت مقدم عليها وشوف ايه مشاكل الشركة دى وايه الصعوبات اللى بيواجهوها.

- اعرف كويس عن الوظيفة اللى انت مقدم عليها وشوف هى ازاى بتساهم فى حل مشاكل الشركة دى وليه هم محتاجنها.

- اعرض نفسك فى ال Cover Letter على انك انت متخصص فى الحتة دى وانك حليت مشاكل مشابهة قبل كده وعندك خبرات فى ده وعايز تساعدهم فى المشاكل اللى عندهم دى بخبرتك او بعلمك ده, فى 3 او 4 مقاطع بس انت كسبت اهتمامهم واحتياجهم ليك وهم اللى هيبقوا عايزين يعينوك :)

- اخيرا بقى  ممكن تبعت ال cover Letter مش بس لل HR تقدر تبعت كمان ال Pain Letter ده للمدير المباشر عشان ده اللى عنده المشكلة وهيشوفك على انك انت الحل اللى بيدور عليه وهيرشحك ل Interview مع ال HR بنفسه.

مثال ل Pain Letter بالعربى عشان نوضح اكتر

أ/ أحمد حسن,

خالص التهانى بمناسبة حصول شركتكم على تمويل جديد بقيمة مليون دولار من مؤسسة X, لقد اعجبت بأهداف الشركة المستقبلية وخاصة خطة التوسع فى انشطة الشركة لتغطية جميع محافظات مصر, اعرف ان هذا التحدى يحتاج الى كثير من الوقت والمجهود نظرا لاحتياج الشركة الى تعيين كوادر جديدة فى جميع المحافظات وادارة جيدة للموارد البشرية وما يتضمنها من مهام خاصة بأدارة الرواتب وشئون العاملين والتوظيف وادارة الاداء.

اود ان اكون جزء من تحقيق هذا الهدف, فا انا لدى 10 سنوات خبرة فى ادارة الموارد البشرية فى مختلف التخصصات وقد قمت بادارة العديد من الشركات والمساهمة فى فتح فروع جديدة فى العديد من المحافظات وادارة فوق ال 1000 موظف.

كما لدى دبلومة فى ادارة الموارد البشرية من الجامعة الامريكية وخبرة فى تقديم الاستشارات الفنية للعديد من الشركات,

ولدى العديد من الافكار للمساهمة فى تحقيق اهداف شركتكم فى الفترة القادمة.

اتطلع لمقابلة سيادتكم فى اقرب وقت لمناقشة هذه الافكار وعرض اهتمامى بوظيفة مدير ادارة الموارد البشرية

شكرا جزيلا

محمد ياسر 

دى خطوات بسيطة ممكن تساعدك انك تسوق لنفسك فى ال Cover Letter وتحوله ل Pain Letter عشان تميز نفسك عن المئات اللى مقدمين معاك على نفس الوظيفة :)

لو ليك اصحاب عندهم مشكلة مع ال Cover Letter شير البوست معاهم وابعتلنا رأيك فى فكرة ال Pain Letter واذا كنت استفدت منها :)