ازاى تجاوب على سؤال: ليه عايز تسيب شركتك/ وظيفتك الحالية؟ فى ال Interview؟

-




ده يعتبر من اصعب اسئلة المقابة الشخصية, لان اجابتك عليه بتعكس بشكل كبير شخصيتك وطريقة تفكيرك بالنسبة لل HR او ال Hiring Manager 

فى 3 خطوات لازم تعملهم وانت بتجاوب على السؤال ده:

1- اتكلم عن ايجابيات وظيفتك او شركتك السابقة:
لان ده هيعرضك كشخص سوى وانك بتدور فعلا على فرصة احسن ومش هتقبل بأى عرض توظيف الا لو كان احسن من وضعك الحالى فعلا لانك مش بتحاول بتهرب من وظيفتك وخلاص, 

2- اذكر الاسباب اللى خلتك تفكر تدور على فرصة تانية؟
حاول تذكر اسباب حقيقية ومنطقية فعليا بس اعرضها بذكاء زى مثلا:
- انا مكنتش بفكر امشى من شركتى, بس شوفت الوظيفة ولقتها فرصة احسن فى مجالى عشان...
- مؤخرا حصلت على دبلومة/ شهادة... وبحاول اطبق واتعلم اكتر فى مجالى ووظيفتى محدودة
- انا بدور على فرصة افضل فى مجالى لان شركتى مفيهاش مساحة للتطوير والترقية
- حصل اعادة هيكلة للشركة او الادارة وشغلى اتغير لحاجة مختلفة عن مجالى او تخصصى
- الشركة غيرت مكانها لمنطقة بعيدة جدااا عنى وده هيأثر على وقتى وحياتى الشخصية
- بقالى فترة فى الشركة واتعلمت حاجات كتير ومفيش فرصة انى اتعلم او اخد خبرة اكتر
- مستقبلا عايز اوصل ل (منصب/هدف) وده محتاج ان يبقى عندى خبرات مختلفة وحصلت على جزء منها فى وظيفتى الحالية وبحاول اشتغل عندكم عشان اتعلم / اخد خبرة فى .......

3- وضح مميزات الوظيفة اللى انت مقدم عليها وازاى هى افضل من وظيفتك الحالية؟
هنا انت محتاج تتكلم فعلا ايه اللى هتستفاده من الشغل فى الوظيفة وليه انت مهتم بالشغل عندهم والاهم ازاى ممكن تفيد الشركة بمجالك او تخصصك او افكارك اللى ممكن تطبقها عندهم

اخيرا متحاولش تتكلم بشكل سلبى عن شركتك او وظيفتك او مديرك لان ده هيترك انطباع سىء عنك وهيوضحلهم انك بتحاول تهرب من وضعك الحالى لاى وظيفة اخرى مش اكتر

لو بتقابلك مشكلة مع المقابلات الشخصية ومش عارف توصل لفرص افضل فى مجالك؟
ابعتلنا رسالة بمشكلتك وهنقولك ازاى ممكن تحلها

Comments

Post a Comment

Popular Posts

ازاى تحصل على الوظيفة اللى بتتمناها وانت معندكش خبرة؟

-
Image
كتير مننا بيقابل مشكلة انه بيقدم على وظائف كتير لكن معظمها محتاجة خبرة! وعشان يجيب الخبرة لازم يشتغل والموضوع يبقى دائرة مفرغة..   :) والمشكلة بتبقى اكبر لو انت حديث التخرج وبتلاقى وظائف مطلوب ليها: حديثى التخرج + خبرة سنة او اثنين "طيب تيجى ازاى دى؟   :)   فى حقيقة مشهورة بتقول: انت مش هتقدر تحصل على وظيفة بدون خبرة!! لكن تقدر تحصل على الخبرة بدون وظيفة! .......................... .......................... .......................... ..... فى حاجتين انت بتتقيم عليهم وانت بتقدم على اى وظيفة: 1- potential value "القيمة المتوقعة" بمعنى هل انت ممكن تضيف قيمة للشركة وللوظيفة فى المستقبل ولا لآ؟ وده غالبا بيتقاس عن طريق تقييم "سلوكياتك - مهاراتك - قيمك - حماسك واهتمامك- قابليتك للتعلم والتطور" 2- Career History "تاريخك المهنى" بمعنى هل خبراتك السابقة والمشاريع اللى انت اشتغلت عليها كافية انك تقدر تتحمل مسئوليات المنصب اللى انت مقدم عليه ولا لآ؟ وهنا تقع المشكلة انك معندكش الخبرة المطلوبة! .......................... ......................
Read more

اخطاء ممكن تخلى ال HR يرفض ال CV بتاعك

-
Image
من واقع خبرة شخصية فى ال Recruitment وبالكلام مع ناس كتير من نفس المجال دى اكتر حاجات اى HR بيكره يشوفها فى ال C.V بتاعك وهيكون رد فعله زى فى الصورة كده بالظبط   :D   فا منفضلك متعملش الاتى: 1- الالوان بلاش تعامل ال C.V على انه كراسة رسم وتستخدم الوان الطيف فى كتابة ال C.V بتاعك وبلاش الوان اصلا كفاية ابيض واسود لان ده دليل على انك شخص مش محترف. 2- اكتر من صفحتين: بشوف ناس كتير ال C.V بتاعها اكتر من 3 واربع صفحات وفى منهم حديثى التخرج مع ان التميز انك تعرض نفسك فى مساحة قليلة لان ال HR معندوش وقت يقرا كل ده فا خليك محدد ومتكتبش حاجة ملهاش علاقة بالوظيفة وحاول تخلى ال C.V بتاعك صفحة واحدة بس   :) 3- ال Fonts المختلفة: ال C.V عبارة عن اعلان عايزه يشد العين ويكون سهل فى قرائتهوفى ناس كتير بتستخدم احجام وانواع مختلفة من ال Fonts فى ال C.V وده بيصعب على اى حد ان يقرا الكلام بوضوع حاول تختار نوع خط واحد وحجمين مختلفين فقط. 4- صورة UnProfessional: انك تبقى حاطط صورتك وانت واقف بعيد او متصور بجمبك او وانت مش واخد بالك مثلا يعنى   :)   او اى مظهر مش مناس...
Read more

!!ثلاث خطوات لكى تبدأ فى اى مجال, وتصبح من المحترفين

-
Image
من اكثر الاسئلة الشائعة بين كثير من المبتدئين فى الحياة العملية سواء حديثى التخرج او من يسعون لتغيير مجالهم الحالى والبدأ  فى مجال جديد هى !كيف ابدأ؟ وكيف اصبح من المحترفين فى هذا المجال؟؟ ما هى اهم الاشياء التى يجب ان اركز عليها فى البداية؟ HR بحكم عملى فى مجال ال Career Coaching & Personal Branding وخبرتى الحالية فى مجال ال الاجابة فى 3 خطوات لو عايز تحترف اى مجال وتوصل انك تبقى من انجح الناس فى المجال ده!!!  لازم تحصل على 3 اشياء وهم: 1- العلم Knowledge  2- المهارات Skills  3- الخبرة Experience ................................................................. !!؟؟ " Knowledge " كيف تحصل على العلم عشان تشتغل فى اى مجال لازم تكون فاهم فيه بدرجة جيدة جدااا لان ده اللى هيأثر بدرجة كبيرة على فرصة حصولك على وظيفة فى المجال ده وعلى نجاحك فيها ويوجد طرق مختلفة للحصول على العلم والمعرفة الخاصة بمجال معين ويقتصر البعض هذه الطرق فى الشهادة العلمية المعتمدة من مكان معروف كدليل على جودة التعليم وعلى الفهم ولكن الحقيقة المعيار الاسا...
Read more