أهم 3 اسئلة فى مقابلات العمل Job Interviews وازاى تستغلهم لتسويق نفسك ؟

-


من اكتر الاسئلة اللى بنسألها لنفسنا بعد اى انترفيو هى:
هل اقنعتهم بنفسى وهل انا جاوبت الاسئلة بالشكل اللى يخلينى اتقبل فى الانترفيو ولا لآ ؟

انت ممكن تعدى اى انترفيو عن طريق اجابتك للاسئلة دى بالشكل المناسب عشان تعرض نفسك كأحسن حد للوظيفة !

1- Tell me about Yourself ؟
او كلمنى عن نفسك ؟ او قدم نفسك
ودى فرصتك عشان تسوق لنفسك وتظهر مميزاتك عن طريق انك تعرض
( انت مين من غير تفاصيل شخصية - خبراتك - تعليمك - مهاراتك - الاختصاصات اللى انت متميز فيها فى مجالك - طموحك وازاى هو مرتبط بدخولك الشركة دى )

مثال: انا محمد ياسر, HR Professional معايا 9 سنين خبرة فى المجال ده, اشتغلت فى اكتر من صناعة زى 1 و2 و 3 فى التخصصات (أ, ب, ج) ومعايا دبلومة فى الموارد البشرية من الجامعة الامريكية وقدمت على الوظيفة دى عشان 1 و 2 و 3

2- Why Should I Hire You ؟
او ليه اعينك انت دونا عن غيرك ؟ او لو فى 10 مقدمين على الوظيفة دى ليه نرفضهم ونختارك انت؟
وهنا انت لازم تبيع نفسك ليهم عن طريق انك تكلم عن ( اذاى هتساعدهم فى تحقيق اهدافهم او رسالتهم او هتحللهم مشكلة عندهم - انجازاتك السابقة اللى بتثبت انك قادر على الكلام ده - انت ازاى مختلف عن اى حد سواء بطموحك او موهبتك )
قبل ما تجاوب السؤال ده لازم تكون مذاكر الوظيفة كويس وعارف ايه المؤهلات اللى كانت مطلوبة, ومهمتك الاساسية هى انك توضح خلال كلامك ازاى المؤهلات دى عندك وازاى انت مميز فيها حتى لو مش كلها بس لازم تعرض تميزك

3- Do You Have any Questions ؟
هل عندك اى اسئلة ؟
وده السؤال اللى ممكن يقلب موازين الانترفيو لو جاوبته بطريقة صح عن طريق انك بدل ما تسألهم اسئلة تقليدية عن المرتب وساعات العمل وفرص التدريب وكده
تسألهم عن ( اهداف الشركة وازاى شغلتك هتبقى مرتبطة بتحقيقها؟ - ازاى تساهم فى تحقيق اهداف القسم بتاعك؟ - ايه اكبر تحدى هتواجهه فى شغلتك هنا وازاى تعديه؟ )

دى اهم اسئلة ممكن تخليك تسوق لنفسك فى اى انترفيو على انك الشخص المثالى للوظيفة لو جاوبتها بالشكل ده 

لو ليك اصحاب بيواجهوا مشكلة مع الانترفيوهات شير البوست معاهم عشان تساعدهم يعدوا اى انترفيو

Comments

Post a Comment

Popular Posts

ازاى تحصل على الوظيفة اللى بتتمناها وانت معندكش خبرة؟

-
Image
كتير مننا بيقابل مشكلة انه بيقدم على وظائف كتير لكن معظمها محتاجة خبرة! وعشان يجيب الخبرة لازم يشتغل والموضوع يبقى دائرة مفرغة..   :) والمشكلة بتبقى اكبر لو انت حديث التخرج وبتلاقى وظائف مطلوب ليها: حديثى التخرج + خبرة سنة او اثنين "طيب تيجى ازاى دى؟   :)   فى حقيقة مشهورة بتقول: انت مش هتقدر تحصل على وظيفة بدون خبرة!! لكن تقدر تحصل على الخبرة بدون وظيفة! .......................... .......................... .......................... ..... فى حاجتين انت بتتقيم عليهم وانت بتقدم على اى وظيفة: 1- potential value "القيمة المتوقعة" بمعنى هل انت ممكن تضيف قيمة للشركة وللوظيفة فى المستقبل ولا لآ؟ وده غالبا بيتقاس عن طريق تقييم "سلوكياتك - مهاراتك - قيمك - حماسك واهتمامك- قابليتك للتعلم والتطور" 2- Career History "تاريخك المهنى" بمعنى هل خبراتك السابقة والمشاريع اللى انت اشتغلت عليها كافية انك تقدر تتحمل مسئوليات المنصب اللى انت مقدم عليه ولا لآ؟ وهنا تقع المشكلة انك معندكش الخبرة المطلوبة! .......................... ......................
Read more

اخطاء ممكن تخلى ال HR يرفض ال CV بتاعك

-
Image
من واقع خبرة شخصية فى ال Recruitment وبالكلام مع ناس كتير من نفس المجال دى اكتر حاجات اى HR بيكره يشوفها فى ال C.V بتاعك وهيكون رد فعله زى فى الصورة كده بالظبط   :D   فا منفضلك متعملش الاتى: 1- الالوان بلاش تعامل ال C.V على انه كراسة رسم وتستخدم الوان الطيف فى كتابة ال C.V بتاعك وبلاش الوان اصلا كفاية ابيض واسود لان ده دليل على انك شخص مش محترف. 2- اكتر من صفحتين: بشوف ناس كتير ال C.V بتاعها اكتر من 3 واربع صفحات وفى منهم حديثى التخرج مع ان التميز انك تعرض نفسك فى مساحة قليلة لان ال HR معندوش وقت يقرا كل ده فا خليك محدد ومتكتبش حاجة ملهاش علاقة بالوظيفة وحاول تخلى ال C.V بتاعك صفحة واحدة بس   :) 3- ال Fonts المختلفة: ال C.V عبارة عن اعلان عايزه يشد العين ويكون سهل فى قرائتهوفى ناس كتير بتستخدم احجام وانواع مختلفة من ال Fonts فى ال C.V وده بيصعب على اى حد ان يقرا الكلام بوضوع حاول تختار نوع خط واحد وحجمين مختلفين فقط. 4- صورة UnProfessional: انك تبقى حاطط صورتك وانت واقف بعيد او متصور بجمبك او وانت مش واخد بالك مثلا يعنى   :)   او اى مظهر مش مناس...
Read more

!!ثلاث خطوات لكى تبدأ فى اى مجال, وتصبح من المحترفين

-
Image
من اكثر الاسئلة الشائعة بين كثير من المبتدئين فى الحياة العملية سواء حديثى التخرج او من يسعون لتغيير مجالهم الحالى والبدأ  فى مجال جديد هى !كيف ابدأ؟ وكيف اصبح من المحترفين فى هذا المجال؟؟ ما هى اهم الاشياء التى يجب ان اركز عليها فى البداية؟ HR بحكم عملى فى مجال ال Career Coaching & Personal Branding وخبرتى الحالية فى مجال ال الاجابة فى 3 خطوات لو عايز تحترف اى مجال وتوصل انك تبقى من انجح الناس فى المجال ده!!!  لازم تحصل على 3 اشياء وهم: 1- العلم Knowledge  2- المهارات Skills  3- الخبرة Experience ................................................................. !!؟؟ " Knowledge " كيف تحصل على العلم عشان تشتغل فى اى مجال لازم تكون فاهم فيه بدرجة جيدة جدااا لان ده اللى هيأثر بدرجة كبيرة على فرصة حصولك على وظيفة فى المجال ده وعلى نجاحك فيها ويوجد طرق مختلفة للحصول على العلم والمعرفة الخاصة بمجال معين ويقتصر البعض هذه الطرق فى الشهادة العلمية المعتمدة من مكان معروف كدليل على جودة التعليم وعلى الفهم ولكن الحقيقة المعيار الاسا...
Read more