اهم 10 معايير لاختيارالوظيفة الانسب ليك

فى بعض المعاييراللى لازم تاخد بالك منها وانت بتختاروظيفتك القادمة او بتقيم عرض التوظيف المقدم ليك

1- Learning Opportunities فرص التعلم

لازم تسأل نفسك كويس هل الوظيفة دى هتعلمك حاجة جديدة فى مجالك او هتضيف شىء جديد لمعرفتك واذا كانت دى حاجة هتميزك عن اى حد فى مجالك ولا لآ,

وده اهم المعايير لان لو مبتتعلمش حاجة جديدة فى شغلك او وظيفتك لا تتيح ليك فرصة التعلم, هتلاقى ناس كتير سبقتك فى مجالك وده اهم شىء فى اى وظيفة جديدة

وممكن تسأل على المعيار ده اثناء المقابلة الشخصية عشان تعرف فرص التدريب والتعليم داخل الشركة

2- Experience Scope حجم الخبرة

اتعرف على المهام والمسئوليات اللى هتقوم بيها فى الوظيفة دى و قيم حجم الخبرة اللى هتكتسبها من الوظيفة , سواء كانت اكبر من حيث المستوى الادارى بمنصب اعلى او هتشتغل على مستوى اكبر كحجم موارد هتكون مسئول عنها او عدد موظفين او حتى هتبقى مسئول عن منطقة جغرافية اهم واكبر

لان حجم الشغل اللى بتشتغله هو اللى بيكون خبرتك فى مجالك وممكن يميزك عن اى حد تانى

ودى ممكن تكتشفها بأطلاعك على الوصف الوظيفى المرفق بأعلان الوظيفة او بسؤالك عن مهامك اثناء المقابلة الشخصية ايضا

3- Personal Life Time الوقت المتاح لحياتك الشخصية

اتأكد كويس ان الوظيفة دى مش هتأثر على حياتك الشخصية من ناحية الوقت اللى بتقضيه فى الشغل او حتى ضغوط العمل

لانك مهما كنت بتحب شغلك ووظيفتك هتحتاج وقت تفصل فيه سواء بأجازة او فى عدد الساعات المتبقية من اليوم بعد الشغل واللى بتمارس فيها حياتك الشخصية بحرية بدون قيود من الشغل

وهتقدر تحكم على ده من خلال معرفة لعدد ساعات العمل وايام الاجازات والوقت اللى هتقضيف فى المواصلات من والى الشغل وده هتعرفه فى عرض التوظيف واوعى تسأل عنه اثناء المقابلة

4- Culture ثقافة الشركة

كل شركة وليها ثقافتها اللى بتنعكس فى سلوكيات الموظفين وتعاملتهم الشخصية داخل اطار العمل, فا لازم تتأكد ان الثقافة الداخلية للشركة لا تتعارض مع مبادئك الشخصية او اخلاقياتك عشان تقدر تكون مرتاح فى اداء وظيفتك وعندك احساس بالانتماء, وهتكون مهارة قوية عندك لو تقدر تتعامل مع ثقافات مختلفة وده اللى بتدور عليه معظم الشركات متعددة الجنسيات

وثقافة الشركة تقدر تتعرف عليها بمجرد دخولك الشركة لاجراء المقابلة او بسؤال موظفين سابقين فى الشركة

5- Your Team فريق العمل اللى هتشتغل معاه

الفريق اللى هتشتغل معاه هو احد اهم معايير قبول او رفض اى وظيفة لان الناس دى هى اللى تقعد معاهم طوال فترة عملك ولازم تقيم الفريق اللى هتشتغل معاه كويس من ناحية مؤهلاتهم وخبراتهم واذا كنت فعلا هتستفاد بالعمل مع الفريق ده ولا لآ واذا كان فيهم مواصفات الناس اللى تتمنى تشتغل معاهم

وتشوف خبراتهم ومؤهلاتهم Linkedin وده ممكن تعرفه ببحث بسيط على

6- Growth Opportunity امكانية التطوير والترقيات

هل المكان ده يتيح لك فرصة للنمو والتطوير ولا مجرد شغل روتينى بدون اى تطور او فرصة للنمو

وده تقدر تسأل عليه اثناء المقابلة الشخصية

7- Salary العائد المادى

العائد المادى شىء اساسى فى قبول او رفض اى عرض توظيف ولكنه ليس الاهم على الاطلاق وخصوصا فى بداية حياتك المهنية, وتقل اهميته مقارنة بالمعايير الاخرى المذكورة

ركز اكتر على التعلم واكتساب المهارات والخبرات فى بداية حياتك المهنية والفلوس هى اللى هتجرى وراك لو اثبت كفائتك وتميزك فى مجالك

متجريش ورا الفلوس

8-Other Benefits المزايا الاخرى

لما تيجى تقيم اى عرض توظيف متحكمش بس على المرتب او الفلوس اللى هتتحصل عليها فقط, لازم تعرف ايه المزايا الاخرى اللى بتعرضها عليك الشركة واذا كانت مفيدة ومجدية بالنسبة ليك ولا لآ

ودى لازم تأل عليها اثناء تقديم عرض التوظيف لان الموضوع مش مرتب بس ولازم تحسب كل حاجة هتحصل عليها

9- Direct Manager مديرك المباشر

فى احصائية شهيرة عن اكثر الاسباب اللى بتؤدى الى استقالة الموظفين من الشركات, جاء فى السبب الاول المدير المباشر, فا لازم تكون حريص فى اختياراتك وتتعرف عن قرب على مديرك المباشر وطباعه الشخصية ومهاراته القيادية وده ممكن يظهر اثناء مقابلتك الشخصية معاه والاسئلة اللى ممكن توجها ليه

وغالبا هتقابله اثناء المقابلاش الشخصية وتقدر تحكم عليه وعلى طريقته فى التعامل معاك شخصيا

10- Stability الاستقرار

استقرار الشركة ومدى حفاظها على موظفينها وعملائها لاطول فترة ممكنة يدل على نجاحها المبدئى وده هيساعدك انك تشتغل فى بيئة عمل صحية خالية نوعا ما من الضغوط والمشاكل اللى ممكن تشتتك عن اداء وظيفتك بفاعلية

وده تقدر توصل ليه ببحث عن اخر اخبار الشركة والاحداث اللى مرت بيها وكمان تقدر تعرف مدى استقرار الموظفين فيها و Linkedin ومتوسط المدة اللى بيقضوها فى الشركة من بحث على الموظفين السابقين فى نفس الشركة على

وتعرف هم اشتغلوا قد ايه فى الشركة ومتوسط المدة دى كانت تزيد على السنة ولا معظمهم اشتغلوا سنة او اقل وده يدل على عدم الاستقرار الداخلى فى الشركة

فى الاخر

اشتغل الوظيفة اللى بتحبها وهتتعلم منها فى مجالك وخصوصا وانت فى بداية حياتك المهنية ومتجريش ورا الفلوس والمنصب لانك لو مميز فى مجالك الفلوس والشهرة والشركات الكبيرة هى اللى هتجرى وراك

متقبلش بأى وظيفة تجيلك لمجرد انك عايز تشتغل او تغير شغلك الحالى فكر كويس واشتغل على نفسك عشان توصل للاحسن ومتتنازلش عن كده الا لو الظروف صعبة عليك, وتبقى مخطط ان ده لفترة مؤقته فقط لغاية ما تحقق هدفك

انت تستحق اكتر من مجرد وظيفقولى فى تعليق ايه اهم معيار بالنسبة ليك فى اختيار الوظيفة المناسبة؟!!